HVERNIG ÞÁ???

Hver segir að veiðimenn reyni ekki að virða reglur um veiðar? Þeir sem til þekkja vita að Blesgæsin er nauðalík Grágæsinni og er erfitt að greina þær í sundur á flugi. Hinsvegar þá hefur Blesgæsin aðallega haft viðkomu hér á landi á suður og vesturlandi á leið sinni til og frá varpstaða sinna á Grænlandi, þó er hún eitthvað farin að verpa hér á landi. Þó veiðiskýrslur sýni að Blesgæsin sé veidd hér að einhverju leiti þá veltir maður fyrir sér hvort það hafi ekki alltaf verið þannig og þá hvort þessi veiði hafi eitthvað með stofnstærðina að gera.  

Áhyggjur af blesgæs

Athugasemdir

[Halldór Halldórsson, 29.9.2007 kl. 20:46]

Það er lítið mál að þekkja blesgæs og grágæs í sundur í aðflugi.

Í fyrsta lagi þá gefur blesgæsin frá sér allt annað hljóð en grágæsin, tónninn er hærri, hljóðin eru styttri og mýkri. 

Í öðru lagi er aðflug blesgæsar til lendingar mjög ólíkt grágæsinni.  Blesgæsin vaggar sér og fellir flugið hratt, nánast eins og hún hrapi nokkra metra í einu.   Grágæsin lækkar yfirleitt flugið í samfellu, þótt hún eigi til svipaða aðflugstakta og blesgæsin einstaka sinnum.

Með því að hlusta og taka eftir aðfluginu, þá er hægt að forðast að skjóta blesgæsina.  Ég veiddi hana á meðan það var leyft, en nú er stofninn í hættu og menn eiga að bera virðingu fyrir því.